நுவரேலியா மாவட்டம் கந்தப்பொல ரிலாமுல்ல ஆரம்ப பாடசாலையில் தரம் 4 ல் கல்வி பயிலும் கனிஷ்கா எனும் மாணவி சோழன் உலக சாதனை புத்தகத்தில் இடம்பிடித்துள்ளார்.
தனிம வரிசை அட்டவணையில் உள்ள 118 தனிமங்களின் பெயர்கள் மற்றும் மனித உடலுள்ள உறுப்புகள் பலவற்றின் பெயர்களை ஆங்கிலத்திலும் தமிழிலும் மிகவும் குறைந்த நேரத்தில் குறிப்பிட்டே சோழன் உலக சாதனை புத்தகத்தில் மாணவி கனிஷ்கா இடம்பிடித்துள்ளார்.
குறித்த சாதனை முயற்சியானது சோழன் உலக சாதனை புத்தக நிறுவனத்தின் இலங்கைக் கிளையின் துணைத் தலைவர் ஸ்ரீ நாக வாணி ராஜா மற்றும் கண்டி மாவட்டத் துணைத் தலைவர் சந்திரமோகன் முன்னிலையில் நடைபெற்றது.
சோழன் உலக சாதனை புத்தகத்தில் இடம்பிடித்த மாணவி கன்ஷிவிற்கு, சான்றிதழ் மற்றும் பதக்கம் என்பன நடுவர்கள் மற்றும் பிரதம் அதிதியான வலயக் கல்வி அலுவலக இயக்குநர் திருமதி.திசாநாயக , பாடசாலை அதிபர் விஜேந்திரன் ஆகியோரினால் வழங்கிவைக்கப்பட்டது.
