தரம் 5 புலமைப்பரிசில் பரீட்சையை மீண்டும் நடத்த உத்தரவு பிறப்பிக்குமாறு கோரி தாக்கல் செய்யப்பட்டுள்ள 4 அடிப்படை உரிமை மனுக்கள் இன்று மீள விசாரணைக்கு எடுத்துக்கொள்ளப்பட்டது. உயர்நீதிமன்றில் யசந்த கோதாகொட, குமுதுனி விக்கிரமசிங்க மற்றும் அர்ஜுன ஒபேசேகர ஆகிய மூவரடங்கிய உயர் நீதிமன்ற நீதிபதிகள் மனுவை விசாரணைக்கு உட்படுத்தினர்.
இந்நிலையில் புலமைப்பரிசில் பரீட்சையின் முதலாவது வினாத்தாளில் 3 வினாக்களுக்கும் இலவச புள்ளிகள் வழங்க தீர்மானித்த நிபுணர் குழுவின் அறிக்கை தொடர்பில் முழு கவனம் செலுத்தியுள்ளதாக மனுதாரர்கள் சார்பில் முன்னிலையான ஜனாதிபதி சட்டத்தரணி சாலிய பீரிஸ் நீதிமன்றத்தில் தெரிவித்துள்ளார்.
ஆத்துடன் புலமைப்பரிசில் பரீட்சை மிகவும் முக்கியமான பரீட்சை. அதில் வழங்கப்படும் ஒவ்வொரு புள்ளியும் மிகவும் முக்கியமானது. கிராமப்புற மாணவர்கள் பிரபல பாடசாலைகளில் அனுமதி பெறுவதற்கு இதுவே ஒரே வழி எனவும் ஜனாதிபதி சட்டத்தரணி சுட்டிக்காட்டினார்.
பரீட்சைகள் ஏதேனும் அநீதி இழைக்கப்பட்டால், முழு மாணவ சமூகமும் பாதிக்கப்படும். அதனால் பரீட்சை மீண்டும் நடத்தப்பட வேண்டுமெனவும் அவர் நீதிமன்றத்தின் கவனத்திற்கு கொண்டுவந்தார்.
அதற்கமைய மனு தொடர்பில் ஆராய்ந்த நீதியரசர்கள் விசாரணையை நாளைய தினத்திற்கு ஒத்திவைத்துள்ளனர்.
தரம் 5 புலமைப்பரிசில் பரீட்சை சர்ச்சை… நாளையும் நீதவான் விசாரணை..
