இந்திய கிரிக்கெட் அணியின் தலைமை பயிற்சியாளராக கவுதம் கம்பீர் நியமிக்கப்பட்டுள்ளார். இந்திய அணியின் முன்னாள் ஆரம்ப துடுப்பாட்ட வீரரான கம்பீர் , ராகுல் டிராவிட்டின் ஓய்வின் பின்னர் குறித்த பதவியை பொறுப்பேற்றுள்ளார்.
இந்நிலையில் இந்திய கிரிக்கெட் கட்டுப்பாட்டு சபையின் (BCCI) செயலாளர் ஜெய் ஷா அறிக்கையொன்றை வெளியிட்டுள்ளதோடு , இந்திய கிரிக்கெட் அணியின் புதிய தலைமை பயிற்சியாளராக கவுதம் கம்பீரை வரவேற்பதில் மிகுந்த மகிழ்ச்சி அடைவதாக தெரிவித்துள்ளார்.
கம்பீர் 2003 ஆம் ஆண்டு தனது ஒருநாள் சர்வதேசப் போட்டியில் அறிமுகமாகி 13 ஆண்டுகள் சர்வதேச கிரிக்கெட் போட்டிகளில் 10,000 க்கும் அதிகமான ஓட்டங்களை பெற்றுள்ளார்.
தொடர்ந்து ஐந்து டெஸ்ட் போட்டிகளில் சதம் அடித்த ஒரே இந்திய வீரர் என்ற பெருமை கொண்ட கம்பீர் , டொன் பிராட்மன் , ஜெக் காலிஸ் மற்றும் மொகமட் யூசுப் உள்ளிட்ட நான்கு சர்வதேச வீரர்களோடு ஒருவராக வரலாற்றில் பதிவாகியுள்ளார்.
நவீன கிரிக்கெட்டின் வேகமான வளர்ச்சியில் கௌதம் கம்பீர் அதன் மாற்றத்தை நன்கு அவதானித்து வருவதாக ஜெய் ஷா தனது அறிக்கையில் தெரிவித்துள்ளார்.
2011 ஆம் ஆண்டு இந்திய அணி ஒருநாள் உலக கிண்ணத்தை வெற்றிகொண்டதில் முக்கிய பங்கு கம்பீருக்கு உண்டு. அத்தோடு அண்மையில் கொல்கத்தா நைட் ரைடர்ஸ் அணி இந்தியன் பிரீமியர் லீக் தொடரில் செம்பியனாக கம்பீரின் பயிற்றுவிப்பின் கீழ் மகுடம் சூடியமை குறிப்பிடத்தக்கது.
