தற்காலிமாகமாக மூடப்பட்டது கண்டி – மாத்தளை வீதி

கண்டி – மாத்தளை வீதி தற்காலிமாக மூடப்பட்டுள்ளது.
அக்குரணை நகரிலுள்ள ஹொட்டலொன்றில் இன்று காலை ஏற்பட்ட தீ விபத்தினால் குறித்த நடவடிக்கை மேற்கொள்ளப்பட்டுள்ளது.
தீ அருகிலுள்ள கடைகளுக்கும் பரவும் அபாயம் ஏற்பட்டுள்ளதால் பொதுமக்களின் பாதுகாப்பு கருதி கண்டி – மாத்தளை வீதியை மூடுவதற்கு பொலிசார் நடவடிக்கை எடுத்தனர்.
தீயணைப்பு படையினர் தீயை கட்டுப்படுத்தும் பிரயத்தனங்களில் ஈடுபட்டுள்ளனர்.
ஹொட்டெலுக்குள் சுமார் 50 எரிவாயு சிலிண்டர்கள் வரை உள்ளதாக அதன் உரிமையாளர் பொலிசாரிடம் தெரிவித்துள்ளார். எரிவாயு சிலிண்டர்களிலிருந்து எரிவாயு வெளியேறுகின்றமையால் தீயை கட்டுப்படுத்துவதில் பாரிய சிரமங்கள் காணப்படுவதாக பொலிசார் தெரிவித்துள்ளனர்.
தீ பரவல் ஏற்பட்டமைக்கான காரணம் இதுவரை கண்டறியப்படவில்லை.