பிரித்தானிய பாராளுமன்ற தேர்தலில் தொழிலாளர் கட்சிக்கு அரியாசனம்

பிரித்தானிய பாராளுமன்ற தேர்தலில் 14 வருடங்களின் பின்னர் அந்நாட்டின் தொழிலாளர் கட்சி ஆட்சியை கைப்பற்றியுள்ளது.
தேர்தலுக்கு முன்னரே எதிர்வுகூறப்பட்டபோதும், பிரித்தானிய தேர்தல் வரலாற்றில் பழமைவாதி கட்சிக்கு மிகவும் மோசமான தோல்வி கிடைக்கப்பெற்றுள்ளது. புதிய பிரதமராக கீர் ஸ்டார்மர் (Keir Starmer) பதவியேற்க கூடுமென எதிர்பார்க்கப்படுகிறது.
கடந்த சில வருடங்களாக பழமைவாத கட்சியில் பல்வேறு பிரச்சினைகள் காணப்பட்ட நிலையில், ஆட்சி அதிகாரத்தை தக்கவைப்பதற்கு உரிய முயற்சிகள் முன்னெடுக்கப்பட்டதா என்பது தொடர்பில் விமர்சனங்கள் முன்வைக்கப்பட்டுள்ளது.
2020ம் ஆண்டு தொழிலாளர் கட்சியின் தலைமைத்துவத்திற்கு வந்த கீர் ஸ்டார்மர் 4 வருடங்களில் அக்கட்சியை வெற்றிபெறச்செய்து ஆட்சி அதிகாரத்தை கைப்பற்றுவதற்கு வழிவகுத்துள்ளார்.
நடைபெற்றுமுடிந்த பிரித்தானிய பாராளுமன்ற தேர்தலில் தொழிலாளர் கட்சி 412 ஆசனங்களையும் , ரிஷி சுனக் தலைமையிலான பழமைவாத கட்சி 120 ஆசனங்களையும் கைப்பற்றியுள்ளன.
பிரித்தானிய பாராளுமன்றத்தில் ஆட்சி அதிகாரத்தை கைப்பற்றுவதற்கு 326 ஆசனங்களே தேவையான நிலையில், தனிப்பெரும்பான்மை ஆசனங்களை தொழிலாளர் கட்சி கைப்பற்றியுள்ளது.