இலங்கை கிரிகெட் அணியின் தலைமைப் பயிற்சியாளர் பதவியில் இருந்து கிறிஸ் சில்வர்வுட் ராஜினாமா செய்துள்ளார். 2022 ஆண்டு ஏப்ரல் மாதம் முதல் சில்வர்வுட் குறித்த பதவியை வகித்தார்.
ஏற்கனவே அவரது பதவிக்காலத்தை டி 20 உலகக் கிண்ண தொடர் வரை ஸ்ரீலங்கா கிரிகெட் நீட்டித்திருந்தது.சில்வர்வுட் தனது ஒப்பந்தத்தை மேலும் ஸ்ரீலங்கா கிரிகெட் தொடர விரும்புகிறதா என்பது குறித்து பேச்சுவார்ததைகளை நடத்துவதற்கு முன்பே ராஜினாமா செய்வதாக தனது முடிவை கிறிஸ் சில்வர்வுட் அறிவித்துள்ளார்.
தனது குடும்பத்துடன் நேரத்தை ஒன்றாகச் செலவிடுவதற்கும் தப்போது நேரம் வந்துவிட்டது என்று உணர்வதாகவும்
தான் இலங்கையில் இருந்த காலத்திலிருந்து பல இனிமையான நினைவுகளை எடுத்துச் செல்வதாகவும் சில்வர்வுட் தெரிவித்துள்ளார்.
வீரர்கள், பயிற்சியாளர்கள், ஏனைய ஊழியர்கள் மற்றும் ஸ்ரீலங்கா கிரிகெட் நிர்வாகத்தினருக்கும் நன்றி தெரிவித்துள்ளார்.
சில்வர்வுட் ஒரு வேகப்பந்து வீச்சாளர் என்ற அடிப்படையில் இலங்கை அணிக்காக முக்கியமான வேகப்பந்து வீச்சாளர்களை அவர் படடைதீட்டுவில் பங்குவகித்துள்ளார். தில்ஷான் மதுஷங்க, அசித பெர்னாண்டோ, மதீஷ பத்திரன, நுவான் துஷார போன்றவர்கள் பட்டைதீட்டப்பட்டுள்ளனர்.
கிறிஸ் சில்வர்வுட் இலங்கை அணியின் தலைமைப் பயிற்சியாளராக செயற்படும் போதுதான் 2022 ஆண்டு டி20 ஆசியக் கோப்பையையும், வென்றது, 2023 ஆண்டு ஒருநாள் ஆசியக் கிண்ண இறுதிப் போட்டிக்கும் தகுதிபெற்றது.
