இந்தியாவின் நாமக்கல் மாவட்டம் உக்கிராண்டி அம்மன் கோவிலில் கடந்த 23 ஆண்டுகளாக இருந்து வந்த குதிரை, வயது முதிர்வு காரணமாக உயிரிழந்ததாக கூறப்படுகிறது.
கோவில் திருவிழாக்கள் மற்றும் முக்கிய நிகழ்வுகளில் நீண்ட காலமாக பங்கேற்று வந்த இந்தக் குதிரை, அப்பகுதி பக்தர்களிடையே தனி வரவேற்பைப் பெற்றிருந்தது.
குதிரை உயிரிழந்த தகவல் அறிந்ததும், கோவில் பக்தர்கள் மற்றும் சுற்றுவட்டாரத்தில் உள்ள 18 கிராமங்களைச் சேர்ந்த பொதுமக்கள் திரண்டனர்.
குதிரையின் உடலுக்கு மலர் மாலைகள் அணிவித்து, மஞ்சள் மற்றும் சந்தனம் பூசி, பொதுமக்கள் இறுதி மரியாதை செலுத்தினர்.
பல ஆண்டுகளாக தங்களுடன் இருந்த குதிரையை பிரிய மனமின்றி, பொதுமக்கள் கண்ணீர் மல்க அஞ்சலி செலுத்தினர்.
பின்னர் பொதுமக்கள் மற்றும் கோவில் நிர்வாகத்தின் ஏற்பாட்டில், உரிய சடங்குகளுடன் குதிரை நல்லடக்கம் செய்யப்பட்டது.
23 ஆண்டுகளாக கோவில் மற்றும் பக்தர்களுடன் இணைந்திருந்த குதிரைக்கு, 18 கிராம மக்கள் ஒன்று திரண்டு இறுதி மரியாதை செலுத்திய சம்பவம் அப்பகுதியில் பெரும் சோகத்தை ஏற்படுத்தியுள்ளது.
