2025ஆம் ஆண்டுக்கான புதிய வரவு செலவுத் திட்டம் சமர்ப்பிக்கப்பட மாட்டாது எனவும் ஆண்டின் முதல் சில மாதங்களுக்கான இடைக்கால ஒதுக்கீடு மூலம் செலவுகள் மேற்கொள்ளப்படுமெனவும் நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.
2025 மார்ச் மாதம் இறுதி வரை இடைக்கால ஒதுக்கீடு மூலம் செலவுகள் நிர்வகிக்கப்படும்.
தேர்தலின் ஊடாக அமைக்கப்படவுள்ள புதிய அரசாங்கத்திற்கு தமது கொள்கைப் பிரகடனத்தை வெளியிடுவதற்கான சந்தர்ப்பத்தை வழங்கி, வருட இறுதியில் 2025ஆம் ஆண்டுக்கான புதிய வரவு செலவுத் திட்டம் முன்வைக்கப்பட மாட்டாது எனவும் புதிய அரசாங்கம் அமைக்கப்பட்டதன் பின்னர் வரவுசெலவு திட்டத்தை முன்வைப்பதற்கான சந்தர்ப்பம் ஏற்படுத்திக்கொடுக்கப்படுமென நிதி இராஜாங்க அமைச்சர் ரஞ்சித் சியம்பலாபிட்டிய மேலும் தெரிவித்துள்ளார்
