பாகிஸ்தானில் இடம்பெற்ற தற்கொலை தாக்குதலில் 21 பேர் உயிரிழந்துள்ளனர். பாகிஸ்தானின் பலுசிஸ்தான் மாநிலத்தின் குவெட்டா ரயில் நிலையத்தில் குண்டுத்தாக்குதல் நடத்தப்பட்டுள்ளது.
அதன்போது ரயில் நிலையத்தில் இருந்த பயணிகள் 21 பேர் சம்பவ இடத்திலேயே உயிரிழந்துள்ளதோடு மேலும் 30க்கும் மேற்பட்டோர் பலத்த காயமடைந்துள்ளனர். அவர்களில் சிலரது நிலைமை கவலைக்கிடமாக உள்ளதாகவும் அதனால் , உயிரிழப்பு மேலும் அதிகரிக்ககூடுமென அதிகாரிகள் அச்சம் வெளியிட்டுள்ளனர்.
இதுவரை இந்த தாக்குதலுக்கு எந்த அமைப்பும் பொறுப்பேற்கவில்லையெனவும் தாக்குதல் குறித்து விசாரணை முன்னெடுக்கப்பட்டுள்ளதாக பாதுகாப்பு அதிகாரிகள் தெரிவித்துள்ளனர்.
