கொழும்பில் உள்ள வெளிநாட்டு தூதரகங்களின் தலைவர்களுக்காக வெளிவிவகார, வெளிநாட்டு வேலைவாய்ப்பு மற்றும் சுற்றுலா அமைச்சினால் ஏற்பாடு செய்யப்பட்ட மூன்று நாள் விசேட சுற்றுலா அபிவிருத்தி ஆய்வுப் பயணம் நிறைவடைந்துள்ளது.
கடந்த 18ம் திகதி ஆரம்பமான இந்தப் பயணத்தில், பாசிக்குடா கடற்கரை, ஏறாவூர் ஏற்றுமதி பதப்படுத்தல் வலயம், செருவில விகாரை மற்றும் திருகோணமலை கோணேஸ்வரம் ஆலயம் உள்ளிட்ட பல முக்கிய இடங்களை தூதரகத் தலைவர்கள் பார்வையிட்டனர்.
திருகோணமலையில் நடைபெற்ற முதலீட்டு மன்றத்திலும் அவர்கள் பங்கேற்றனர். அத்துடன், திருகோணமலை கடற்படை கப்பல் கட்டும் தளம் மற்றும் கடற்படை அருங்காட்சியகத்திற்கும் விஜயம் மேற்கொண்டனர்.
கிழக்கு மாகாணத்தின் சுற்றுலா, கலாசாரம், பொருளாதாரம் மற்றும் முதலீட்டு வாய்ப்புகளை சர்வதேச சமூகத்துக்கு அறிமுகப்படுத்தி, புதிய முதலீடுகள் மற்றும் சுற்றுலா அபிவிருத்தி வாய்ப்புகளை உருவாக்குவதே இப் பயணத்தின் நோக்கமாகும்.
