மஸ்கெலியா கார்ட்மோர் தனியார் தேயிலைத் தோட்டத்தின் கல்கந்தை பகுதியில் நேற்று காலை பெய்த கனமழை காரணமாக மண்சரிவு ஏற்பட்டுள்ளது.
அதனையடுத்து, மண்சரிவு அபாயம் நிலவும் பகுதியில் வசித்து வந்த 6 குடும்பங்களைச் சேர்ந்த 24 பேர் தங்களது வீடுகளில் இருந்து பாதுகாப்பாக வெளியேற்றப்பட்டுள்ளனர்.
இவ்வாறு வெளியேற்றப்பட்டவர்கள் அதே தோட்டத்தில் அமைந்துள்ள மருத்துவரின் உத்தியோகபூர்வ இல்லத்தில் தற்காலிகமாக தங்க வைக்கப்பட்டுள்ளதாக கார்ட்மோர் கிராம அலுவலர் திருமதி பிரதீபா தெரிவித்துள்ளார்.
