முல்லைத்தீவு மாவட்ட பொது வைத்தியசாலையின் புதிய நான்கு மாடி மருத்துவ வார்டுத் தொகுதிக்கான நிர்மாணப் பணிகள் இன்று பிற்பகல் ஜனாதிபதி அநுர குமார திசாநாயக்க தலைமையில் ஆரம்பிக்கப்பட்டன.
வைத்தியசாலையில் தற்போது நிலவும் நோயாளர் நெரிசலைக் குறைக்கும் நோக்கில், இந்திய அரசாங்கத்தின் நிதியுதவியுடன் இந்தத் திட்டம் முன்னெடுக்கப்படுகிறது.
இதற்காக 600 மில்லியன் ரூபாய் செலவிடப்படவுள்ளதுடன், புதிய வார்டுத் தொகுதி பல நவீன வசதிகளுடன் நிர்மாணிக்கப்படவுள்ளது.
மின் தூக்கிகள், குளிரூட்டி தொகுதிகள், அவசர மின்சாரக் கட்டமைப்புகள், தீயணைப்பு வசதிகள் மற்றும் குழாய் மூலமான மருத்துவ எரிவாயு விநியோகக் கட்டமைப்பு உள்ளிட்ட அத்தியாவசிய உட்கட்டமைப்பு வசதிகளும் இதில் ஏற்படுத்தப்படவுள்ளன.
தொற்றா நோய்களால் ஏற்படும் மரணங்களைக் குறைப்பதும், 35 வயதுக்கு மேற்பட்டவர்களை மருத்துவப் பரிசோதனைக்கு உட்படுத்தும் எண்ணிக்கையை அதிகரிப்பதும் இந்தத் திட்டத்தின் பிரதான நோக்கங்களாகும்.
இதன் மூலம் நோயாளிகளை வேறு வைத்தியசாலைகளுக்கு மாற்ற வேண்டிய நிலை மட்டுப்படுத்தப்படும் என எதிர்பார்க்கப்படுகிறது.
நினைவுப் பலகையைத் திறந்து வைத்து நிர்மாணப் பணிகளை ஆரம்பித்த ஜனாதிபதி, வைத்தியசாலை ஊழியர்களுடனும் சுமுகமான கலந்துரையாடலில் ஈடுபட்டார்.
