வெளிநாட்டு வேலைவாய்ப்பின் போது உயிரிழக்கும் இலங்கைப் புலம்பெயர் தொழிலாளர்களுக்காக வழங்கப்படும் மரண இழப்பீட்டுத் தொகை 20 இலட்சம் ரூபாவாக அதிகரிக்கப்பட்டுள்ளதாக வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத் தெரிவித்துள்ளார்.
இந்த அதிகரிப்பு வெளிநாட்டுத் தொழிலாளர்களுக்கு வழங்கப்பட்டுள்ள முக்கியமான நிவாரணமாகும் என அமைச்சர் குறிப்பிட்டுள்ளார்.
வெளிநாட்டு வேலைவாய்ப்பின் போது உயிரிழந்த 50 தொழிலாளர்களின் குடும்பங்களுக்கு 7 கோடி ரூபாவுக்கும் அதிகமான இழப்பீட்டுத் தொகை வழங்கும் நிகழ்வில் இன்று கலந்துகொண்டு உரையாற்றியபோதே அமைச்சர் இதனைத் தெரிவித்துள்ளார்.
இதற்கு முன்னர், வெளிநாட்டு வேலைவாய்ப்புப் பணியகத்தில் பதிவு செய்யும் போது இலவசமாக வழங்கப்படும் காப்புறுதி மூலம் 6 இலட்சம் ரூபா இழப்பீடாக வழங்கப்பட்டு வந்தது. எஞ்சிய தொகை பணியகத்தின் தொழிலாளர் நலன்புரி நிதியிலிருந்து வழங்கப்பட்டதாகவும் தெரிவிக்கப்பட்டுள்ளது.
