கட்டுநாயக்க-கொழும்புக்கு இடையில் சீ-பிளேன் சேவை பேர வாவியை நீர் விமான நிலையமாக கொண்டு கட்டுநாயக்கவிற்கும் கொழும்புக்கும் இடையிலான விமான சேவைகள் இன்று உத்தியோகபூர்வமாகத் ஆரம்பிக்கப்பட்டுள்ளது.
அமைச்சர் பிமல் ரத்நாயக்கவின் தலைமையில் குறித்த நிகழ்வு நடைபெற்றது. உள்நாட்டு விமானப் பயண போக்குவரத்து சேவையை விரிவுபடுத்தும் நோக்கிலும், சுற்றுலாவை மேம்படுத்தும் நோக்கிலும் அரசாங்கத்தின் திட்டத்தின் ஒரு பகுதியாக திட்டம் நடைமுறைப்படுத்தப்பட்டுள்ளது.
ஜோன் கீல்ஸ் குழுமத்தின் இணை நிறுவனமான சினமன் ஏயார்லைன்ஸ், குறித்த விமானங்களை சேவையில் ஈடுபடுத்துகின்றது.
குறித்த நிகழ்வில் சிரேஷ்ட அரச அதிகாரிகள், பாதுகாப்பு துறை அதிகாரிகள் மற்றும் ஜோன் கீல்ஸ் குழுமம் மற்றும் சின்னமன் ஏயார்லைன்ஸ் பிரதிநிதிகளும் கலந்து கொண்டனர்
