இரவில் ஒளிரவுள்ள ஒன்பது வளைவு பாலம்

எல்ல தெமோதர ஒன்பது வளைவு பாலம் மற்றும் அதனைக் சூழவுள்ள சுற்றுலா வலயத்தை மேலும் பிரபல்யப்படுத்துவதற்கு திட்டமிடப்பட்டுள்ளது. புகையிரத திணைக்களமும், மத்திய சுற்றாடல் கலாசார நிதியமும் இணைந்து சுற்றுலாப் பயணிகளை ஈர்ப்பதற்காக புதிய திட்டத்தை முன்னெடுத்துள்ளன
இரவு வேளையில் மின் விளக்குகளால் ஒன்பது வளைவு பாலத்தை அலங்கரித்து, சுற்றுலாப் பயணிகளுக்கு அதனை பார்வையிடும் வாய்ப்பை வழங்க புகையிரத திணைக்களம் நடவடிக்கை எடுத்துள்ளதாக திணைக்களத்தின் பொது முகாமையாளர் தம்மிக்க ஜயசுந்தர தெரிவித்துள்ளார். எதிர்வரும் ஓகஸ்ட் மாதம் முதல் புதிய திட்டம் நடைமுறைப்படுத்தப்படவுள்ளதாகவும் அவர் சுட்டிக்காட்டியுள்ளார்.
இதேவேளை நானுஓயா ரயில் நிலையத்துக்கு அருகில் புகையிரத பெட்டிகளைக் கொண்டு வித்தியாசமாக உருவாக்கப்பட்டுள்ள சுற்றுலா ஹோட்டல் திட்டம் சுற்றுலாப் பயணிகளுக்கு புதுமையான அனுபவத்தை வழங்குமெனவும், அதனூடாக கூடுதலான சுற்றுலாப் பயணிகளை மேலும் ஈர்க்க எதிர்பார்ப்பதாகவும் புகையிரத திணைக்களத்தின் பொது முகாமையாளர் தம்மிக்க ஜயசுந்தர தெரிவித்துள்ளார்.