நிலையான மற்றும் முழுமையான அபிவிருத்தியை நோக்கி நாட்டை வழிநடத்தும் வகையில் தயாரிக்கப்பட்ட விரிவான கொள்கைகள் உள்ளடங்கிய ஆவணம் ஜனாதிபதி ரணில் விக்ரமசிங்கவிடம் இலங்கை வர்த்தக சம்மேளனத்தினால் கையளிக்கப்பட்டுள்ளது.
2030 ஆம் ஆண்டளவில் இலங்கை , பொருளாதார ரீதியில் எந்தத் திசையில் பயணிக்க வேண்டும் என்பது தொடர்பில் விளக்கமளிக்கப்பட்டுள்ளது. அதற்கென அனைத்து துறைகளிலும் மேற்கொள்ளப்பட வேண்டிய கொள்கை ரீதியிலான மாற்றங்கள் குறித்தும் பொருளாதாரத்திற்கு கிடைக்கும் நன்மைகள் குறித்தும் அறிக்கையில் சுட்டிக்காட்டப்பட்டுள்ளது.
மொத்த தேசிய உற்பத்தியில் 6.5மூ வளர்ச்சியை எட்டுவது, பணவீக்கம், வேலையின்மை ஆகியவற்றை 5மூ ஆக குறைப்பது, கல்வி மற்றும் சுகாதார சேவைகளை மேம்படுத்துவது, விவசாயம் மற்றும் டிஜிட்டல் உள்கட்டமைப்புக்கைளை மேம்படுத்துவது உள்ளிட்ட விடயங்களை முன்னிலைப்படுத்தி குறித்த அறிக்கை தயாரிக்கப்பட்டுள்ளது.
அரச – தனியார் கூட்டு முயற்சி, ஒழுங்குமுறை சீர்திருத்தம், உட்கட்டமைப்பு முதலீடு, காலநிலை மாற்றம் ஆகிய துறைகளில் தயாராக வேண்டிய விதம் தொடபிலும் விளக்கமளிக்கப்பட்டுள்ளது.
இலங்கை வர்த்தக சம்மேளனத்தின் தலைவர் துமிந்த ஹுலங்கமுவ, உப தலைவர் கிரிஷான் பாலேந்திரா, பிரதி உப தலைவர் பிகுமல் தேவதந்திரி, பணிப்பாளர் சபை உறுப்பினர் சுபுன் வீரசிங்க, செயலாளர் நாயகம் மற்றும் பிரதம நிறைவேற்று அதிகாரி புவனேகபாகு பெரேரா, பிரதி செயலாளர் நாயகம் மற்றும் பிரதம செயற்பாட்டு அதிகாரி அலிகி பெரேரா, சஞ்சய் ஆரியவன்ச, மஞ்சுள டி சில்வா ஆகியோர் அறிக்கையை கையளிக்கும் நிகழ்வில் கலந்து கொண்டனர்.
