சீனாவின் டேலியனில் நகரில் இடம்பெறும் உலக பொருளாதார மாநாட்டில் கலந்துகொண்டுள்ள அமைச்சர் ஜீவன் தொண்டமான், ஐக்கிய நாடுகளின் துணை பொதுச் செயலாளர் அமினா மொகமட் அவர்களை சந்தித்து கலந்துரையாடியுள்ளார்.
இலங்கையில் தமக்குள்ள சவால்கள், பொருளாதார நெருக்கடியின் தாக்கம் மற்றும் பெருந்தோட்ட சமூகம் உட்பட மிகவும் பின்தங்கிய சமூகங்களின் தற்கால நிலைப்பாடு தொடர்பான நிகழ்நிலைகளை அமைச்சர் ஜீவன் தொண்டமான் அவருடன் பகிர்ந்துகொண்டார்.
மேலும் வறுமையைக் குறைப்பதற்கும், சமூகங்களை மேம்படுத்துவதற்கும், நிலையான அபிவிருத்தி இலக்குகளின் சாதனைகளை விரைவாகக் கண்காணிப்பதற்கும் துணைப் பொதுச் செயலாளரின் அலுவலகத்துடன் இணைந்து பணியாற்ற தான் எதிர்பார்ப்பதாக அமைச்சர் ஜீவன் தொண்டமான், ஐநா. துணை பொதுச் செயலாளர் அமினா மொகமட்டிடம் குறிப்பிட்டார். ,
