IPL தொடரில் நேற்று இடம்பெற்ற ராஜஸ்தான் ரோயல்ஸ் மற்றும் டெல்லி கெப்பிட்டல்ஸ் அணிகளுக்கிடையிலான போட்டியில் டெல்லி அணி 20 ஓட்டங்களினால் வெற்றிபெற்றுள்ளது. போட்டியில் முதலில் துடுப்பெடுத்தாடிய டெல்லி அணி , 20 ஓவர்களில் 8 விக்கட்டுகளை இழந்து 221 ஓட்டங்களைப் பெற்றுக்கொண்டது. அபிஷேக் போரெல் 65 ஓட்டங்களையும், ஜெக் பிரெஷர் மெக்ருக் 50 ஓட்டங்களையும் பெற்றனர். ரவிச்சந்திரன் அஸ்வின் 3 விக்கட்டுகளை கைப்பற்றினார்.
ராஜஸ்தான் அணிக்கு 222 ஓட்டங்கள் வெற்றியிலக்காக நிர்ணயிக்கப்பட்டது. அதற்கமைய துடுப்பெடுத்தாடிய அவ்வணி 20 ஓவர்களில் 9 விக்கட்டுகளை இழந்து 201 ஓட்டங்களை மாத்திரமே பெற்றுக்கொண்டது. சஞ்சு செம்சன் 46 பந்துகளில் 86 ஓட்டங்களை விளாசினார். அவரது ஆட்டமிழப்பு சர்ச்சைக்குரிய ஆட்டமிழப்பாக மாறியது.
4 ஓவர்களில் 25 ஓட்டங்களைக் கொடுத்து 2 விக்கட்டுகளை கைப்பற்றிய குல்தீப் யாதவ் நேற்றைய போட்டியின் ஆட்டநாயகன் விருதை பெற்றுக்கொண்டார்.
