2026 உள்ளூராட்சி வார செயற்பாடுகளுக்கிணைவாக கொட்டகலை ஈரநிலப் பகுதியில் சுத்தப்படுத்தும் வேலைத்திட்டம் முன்னெடுக்கப்பட்டது.
பொது நிர்வாக, மாகாண சபைகள் மற்றும் உள்ளூராட்சி அமைச்சின் வழிகாட்டுதலின் கீழ், கொட்டகலை பிரதேச சபையின் ஏற்பாட்டில் இந்தச் சுத்தப்படுத்தும் நடவடிக்கை இடம்பெற்றது.
ஈரநிலப் பகுதியின் சுற்றுச்சூழலைப் பாதுகாத்தல், குப்பைகள் மற்றும் கழிவுகளை அகற்றி பகுதியை தூய்மையாகப் பேணுதல் உள்ளிட்ட விடயங்களுக்கு நிகழ்வில் முக்கியத்துவம் வழங்கப்பட்டது.
நிகழ்வில் கொட்டகலை பிரதேச சபை தலைவர் இராஜமணி பிரசாந்த், உறுப்பினர்கள், செயலாளர் சிவராம் ராஜவீரன் உள்ளிட்ட பிரதேச சபை உத்தியோகத்தர்கள் மற்றும் ஊழியர்கள் கலந்துகொண்டனர்.
