பாராளுமன்றஉறுப்பினர் நாமல் ராஜபக்ஷவை எதிர்வரும் 23ஆம் திகதி வரை விளக்கமறியலில் வைக்க கொழும்பு கோட்டை நீதவான் நீதிமன்றம் இன்று (16) உத்தரவிட்டுள்ளது.
ஸ்ரீலங்கன் எயார்லைன்ஸ் நிறுவனத்தின் ஏர்பஸ் விமான கொள்முதல் தொடர்பான நிதி முறைகேடு மற்றும் பணமோசடி குற்றச்சாட்டுகள் தொடர்பான விசாரணையில், நாமல் ராஜபக்ஷ சந்தேகநபராக பெயரிடப்பட்டுள்ளார்.
இந்நிலையில், கொழும்பு சிறைச்சாலையில் விளக்கமறியலில் வைக்கப்பட்டிருந்த நாமல் ராஜபக்ஷ இன்று சிறை அதிகாரிகளால் கொழும்பு கோட்டை நீதவான் நீதிமன்றத்திற்கு அழைத்துவரப்பட்டார்.
வழக்கு கோட்டை நீதவான் பசான் அமரசேன முன்னிலையில் விசாரணைக்கு எடுத்துக்கொள்ளப்பட்டதையடுத்து, அவரை செப்டம்பர் 23 வரை விளக்கமறியலில் வைக்க உத்தரவு பிறப்பிக்கப்பட்டது.
