கொழும்பு, களுத்துறை மற்றும் கேகாலை ஆகிய மாவட்டங்களின் பல பகுதிகளுக்கு முதலாம் கட்ட மண்சரிவு எச்சரிக்கை விடுக்கப்பட்டுள்ளது.
தேசிய கட்டிட ஆராய்ச்சி நிறுவனம் இன்று காலை 10 மணிக்கு இந்த எச்சரிக்கையை வெளியிட்டுள்ளது. இது நாளை காலை 10 மணி வரை 24 மணித்தியாலங்களுக்கு அமுலில் இருக்கும்.
இதன்படி, கொழும்பு மாவட்டத்தின் சீதாவக்க மற்றும் அதனைச் சூழவுள்ள பகுதிகளுக்கும், களுத்துறை மாவட்டத்தின் தொடங்கொட, புளத்சிங்ஹல, பேருவளை, இங்கிரிய, மத்துகம, பாலிந்தநுவர மற்றும் வலல்லாவிட்ட பகுதிகளுக்கும் எச்சரிக்கை விடுக்கப்பட்டுள்ளது.
மேலும், கேகாலை மாவட்டத்தின் வரகாப்பொல மற்றும் ருவன்வெல்ல பிரதேச செயலகப் பிரிவுகள் மற்றும் அதனைச் சூழவுள்ள பகுதிகளுக்கும் இந்த மண்சரிவு எச்சரிக்கை பொருந்தும்.
மண்சரிவு அறிகுறிகள் தென்பட்டால் உடனடியாக அவதானத்துடன் செயற்படுமாறும், தேவையான முன்னெச்சரிக்கை நடவடிக்கைகளை மேற்கொள்ளுமாறும் பொதுமக்கள் அறிவுறுத்தப்பட்டுள்ளனர்.
