T- 20 உலகக்கிண்ண இறுதி பலப்பரீட்சை இன்று

2024ம் ஆண்டுக்கான ருவென்றி – 20 உலகக்கிண்ண கிரிக்கட் தொடரின் இறுதிப்போட்டி இன்றைய தினம் நடைபெறவுள்ளது.
பலம் வாய்ந்த இந்திய அணியும், கணிப்புக்களை மாற்றியமைத்த தென்னாபிரிக்க அணியும் இறுதிப்போட்டியில் ஒன்றையொன்று எதிர்கொள்ளவுள்ளன. போட்டி பார்படோஸ் தலைநகர் பிரிட்ஜ்டவுனில் உள்ள கென்சிங்டன் ஓவல் மைதானத்தில் இரவு 8 மணிக்கு ஆரம்பமாகவுள்ளது.
இந்திய அணி 10 வருடங்களின் பின்னர் ருவென்றி – 20 உலகக்கிண்ண இறுதிப்போட்டி தகுதிபெற்றுள்ளது. தென்னாபிரிக்கா அணி முதன்முறையாக ருவென்றி – 20 உலகக்கிண்ண இறுதிப்போட்டிக்கு தகுதி பெற்றுள்ள நிலையில், போட்டி குறித்த எதிர்பார்ப்பு இரு நாட்டு ரசிகர்களிடையேயும், உலக கிரிக்கட் ஆர்வலர்களிடையேயும் அதிகரித்துள்ளது.
ஐசீசீயின் ருவென்றி – 20 அணிகளுக்கான தரவரிசையில் இந்திய அணி முதலிடத்திலும், தென்னாபிரிக்கா 5ம் இடத்திலும் உள்ளன.
ருவென்றி – 20 போட்டிகள் எப்போதும் ரசிகர்களுக்கும், அணிகளுக்கும் திடீர் திருப்பத்தை தரக்கூடிய போட்டிகளாகவே இருக்கின்றன.
இன்றைய போட்டியும், எதிர்பார்ப்பு, திருப்பங்கள், பரபரப்பு மிகுந்த போட்டியாக அமையுமென்பதில் எவ்வித சந்தேகமும் இல்லை.