பதுளை மாவட்டத்தின் லுனுகலை பிரதேசத்தில் அமைந்துள்ள ஸ்ரீ இராமகிருஷ்ணா இந்துக் கல்லூரிக்கு கல்வி இராஜாங்க அமைச்சர் அருணாச்சலம் அரவிந்தகுமாரினால் மடி கணனிகள் வழங்கிவைக்கப்பட்டுள்ளது.
சுமார் 15 இலட்சம் ரூபாய் பெறுமதியான மடி கணனிகளே பெற்றுக்கொடுக்கப்பட்டுள்ளன.
ஸ்ரீ இராமகிருஷ்ணா இந்துக் கல்லூரிக்கு விஜயம்செய்த கல்வி இராஜாங்க அமைச்சர் அ.அரவிந்தகுமார் பாடசாலை அதிபர் , ஆசிரியர்கள் மற்றும் மாணவர்களினால் வரவேற்கப்பட்டார்.
அதனையடுத்து பாடசாலையின் பிரதான மண்டபத்தில் இடம்பெற்ற நிகழ்வில் மாணவர்களுக்கு மடி கணனிகள் வழங்கிவைக்கப்பட்டன. எதிர்காலத்தில் பாடசாலைக்கும் கல்விச்சமூகத்திற்கும் தேவையான உதவிகளை பெற்றுக்கொடுக்க தயாராகவுள்ளதாக கல்வி இராஜாங்க அமைச்சர் அ.அரவிந்தகுமார் குறிப்பிட்டார்.
