நோர்வூட் – பொகவந்தலாவ பகுதிக்கு இடைப்பட்ட எல்பட மற்றும் கெர்கஸ்சோல்ட் தோட்டங்களுக்கு செல்லும் தொங்கு பாலத்தை புனரமைக்கும் முயற்சியில் இளைஞர்கள் முன்வந்து செயற்படுகின்றனர்.
எல்பட தோட்டத்தையும் நோர்வூட் பிரதான வீதியையும் இணைக்கும் தொங்கு பாலம் நீண்ட நாட்களாக சேதமடைந்தது காணப்படுகிறது.
குறித்த பாலத்தை சுமார் 500 குடும்பங்கள் நாளாந்தம் பயன்படுத்திவருகின்றனர்.
பாலத்தினை புனரமைத்து தருமாறு கோரி மக்கள் பல தரப்பினரிடம் வேண்டுகோள் விடுத்துவந்தபோதும், இதுவரை எந்தவொரு பலனும் கிடைக்கவில்லை.
இந்நிலையில் எந்தவொரு உதவியையும் எதிர்பாராத பிரதேச இளைஞர்கள் தமது சொந்த பணத்தில் பாலத்தை நிர்மாணிக்கும் முயற்சியில் ஈடுபட்டுள்ளனர்.
இளைஞர்களின் இந்த முன்மாதிரியான செயலுக்கு பலரும் வாழ்த்துக்களை தெரிவித்துவருகின்றனர்.
