பார்வையற்றவர்களுக்கு வழிகாட்டியாக புதிய ஸ்மார்ட் கண்ணாடி

பார்வையற்றவர்களுக்கு எதிரே இருப்பதை தெரிவிக்கும் வகையிலான புதிய ஸ்மார்ட் கண்ணாடி கண்டுபிடிக்கப்பட்டுள்ளது.
AI தொழில்நுட்பத்தில் குறித்த கண்ணாடி பிரத்தியேகமாக தயாரிக்கப்பட்டுள்ளது.
இதனை அணிந்துகொண்டால், எதிரில் வருபவர்கள் மற்றும் வாகனங்கள் தொடர்பில் எச்சரித்து, அதிகளவான விபத்துக்களை தடுத்து சௌகரியத்தை ஏற்படுத்துமென தயாரிப்பாளர்கள் தெரிவித்துள்ளனர். அத்துடன் ஒருவர் செல்லும் விரும்பும் இடத்திற்கு இது வழிகாட்டியாக உதவிசெய்யும்.
பார்வையற்ற மாணவர்கள் மற்றும் தொழில் வல்லுநர்கள் உதவியுடன் புதுமையான கண்டுபிடிப்புகளை மேற்கொள்ளும் நிறுவனங்கள் கூட்டாக ஆராய்ச்சி செய்து இந்த ஸ்மார்ட் கண்ணாடியை தயாரித்துள்ளன.
விரைவில் இக்கண்ணாடி இலங்கையிலும் விற்பனைக்கு வருமென எதிர்பார்க்கப்படுகிறது.