உலக தடகள இறுதிப் போட்டியில் இன்று களமிறங்குகிறார் ருமேஷ் தரங்க

இலங்கையின் ஈட்டி எறிதல் வீரர் ருமேஷ் தரங்க, உலக தடகளத்தின் Ultimate Championship போட்டியில் ஆடவர் ஈட்டி எறிதல் பிரிவில் இன்று இரவு புடாபெஸ்டில் போட்டியிடவுள்ளார்.

போட்டி இலங்கை நேரப்படி இன்று இரவு 9.40 மணிக்கு ஆரம்பமாகவுள்ளது.

உலக தரவரிசையில் தற்போது முதலிடத்தில் உள்ள ருமேஷ் தரங்க, இந்த ஆண்டில் 92.62 மீற்றர் தூரம் ஈட்டி எறிந்து உலகின் சிறந்த சாதனையை பதிவு செய்துள்ளார். அத்துடன், இந்த பருவத்திற்கான Diamond League ஈட்டி எறிதல் சாம்பியன் பட்டத்தையும் அவர் வென்றுள்ளார்.

இன்றைய போட்டியில் ஜெர்மனியின் Julian Weber முக்கிய போட்டியாளராக கருதப்படுவதுடன், பாகிஸ்தானின் ஒலிம்பிக் சம்பியன் Arshad Nadeem, கிரெனடாவின் Anderson Peters மற்றும் டிரினிடாட் அண்ட் டொபாகோவின் Keshorn Walcott ஆகியோரும் போட்டியில் பங்கேற்கின்றனர்.

இப்போட்டியில் வெற்றி பெறும் வீரருக்கு 150,000 அமெரிக்க டொலர்கள் பரிசுத் தொகையாக வழங்கப்படவுள்ளது.

இலங்கையின் ருமேஷ் தரங்க உலகின் முன்னணி ஈட்டி எறிதல் வீரர்களுக்கு மத்தியில் களமிறங்குவதால், அவரது போட்டி முடிவு மீது இலங்கை விளையாட்டு ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது.