தேசிய ‘பிரஜா சக்தி’ வறுமை ஒழிப்புத் திட்டத்தின் கீழ், 100 மில்லியன் ரூபாய் முதலீட்டில் பொலன்னறுவையில் ‘பெரக்கும் லெகசி’ சுற்றுலா கிராம அபிவிருத்தித் திட்டத்தை அரசாங்கம் ஆரம்பித்துள்ளது.
அமைச்சர் உபாலி பன்னில தலைமையில் சுமார் ரூ. 100 மில்லியன் செலவில் முன்னெடுக்கப்படும் இத்திட்டத்தின் மூலம், பொலன்னறுவையின் தம்மன்கடுவ பிரதேச செயலகப் பிரிவிற்குட்பட்ட அத்துமல்பிட்டிய மற்றும் முனியாண்டி ஆகிய கிராம உத்தியோகத்தர் பிரிவுகள் நவீன சுற்றுலா கிராமங்களாக மாற்றியமைக்கப்படவுள்ளன.
2026 ஆம் ஆண்டு வரவு செலவுத் திட்டத்தில் கிராமிய அபிவிருத்திக்கென ஒதுக்கப்பட்ட ரூ. 25,000 மில்லியன் நிதியின் கீழ், நாட்டின் ஒவ்வொரு கிராம உத்தியோகத்தர் பிரிவிலும் ஆகக்குறைந்தது ஒரு அபிவிருத்தித் திட்டத்தையாவது நடைமுறைப்படுத்த அரசாங்கம் திட்டமிட்டுள்ளது.
அந்த வகையில், பொலன்னறுவை மாவட்டத்தின் அபிவிருத்திக்கென ஏற்கனவே ஒதுக்கப்பட்டுள்ள ரூ. 618 மில்லியனிற்கு மேலதிகமாக, இந்த விசேட சுற்றுலாத் திட்டத்திற்காக மாத்திரம் ரூ. 10 கோடி ஒதுக்கப்பட்டுள்ளது.
சுற்றுலாப் பயணிகளைக் கவரும் வகையில், இத்திட்டத்தின் கீழ் பொலன்னறுவை மாவட்டத்தின் தமன்கடுவ பிரதேச செயலாளர் பிரிவிற்கு உட்பட்ட அத்துமல்பிட்டிய மற்றும் முனியாண்டி கிராம அலுவலகர் பிரிவுகளில் சுற்றுலாப் பயணிகளை ஈர்க்கும் வகையில் பல்வேறு வசதிகள் ஏற்படுத்தப்படவுள்ளன.
