2026ம் ஆண்டுக்கான இந்தியன் பிரீமியர் லீக் (ஐபிஎல்) தொடரில் ராஜஸ்தான் ரோயல்ஸ் அணியின் தலைமை பயிற்சியாளராக மீண்டும் குமார் சங்கக்கார நியமிக்கப்பட்டுள்ளதாக அணி நிர்வாகம் உறுதிப்படுத்தியுள்ளது.
2021ம் ஆண்டு முதல் 2024ம் ஆண்டு வரை குமார் சங்கக்கார ராஜஸ்தான் ரோயல்ஸ் அணியின் தலைமை பயிற்சியாளராக செயற்பட்ட நிலையில் கடந்த ஆண்டு ஐபிஎல் தொடரில் ராகுல் டிராவிட்டுடன் பயிற்சியாளராகவும் கிரிக்கெட் பணிப்பாளராகவும் பதவி உயர்வு பெற்றார்.
இந்நிலையில் ராஜஸ்தான் ரோயல்ஸ் பயிற்சியாளர் குழாமில் மாற்றங்கள் அறிவிக்கப்பட்டுள்ளன. விக்ரம் ரத்தோர் தலைமை உதவி பயிற்சியாளராக நியமிக்கப்பட்டுள்ளதோடு, ட்ரெவர் பென்னி உதவி பயிற்சியாளராகவும் ,சித் லஹிரி செயல்திறன் பயிற்சியாளராகவும் மீண்டும் பெயரிடப்பட்டுள்ளனர்.
ஷேன் போண்ட் வேகப்பந்து வீச்சு பயிற்சியாளராகத் தொடர்வாரென அறிவிக்கப்பட்டுள்ளது.
ராஜஸ்தான் ரோயல்ஸ் அணியின் தலைவராக நீண்ட காலமாக செயற்பட்ட சஞ்சு சாம்சனை சென்னை சூப்பர் கிங்ஸிற்கு விடுவித்து ரவீந்திர ஜடேஜா மற்றும் சாம் கரன் ஆகியோரை பரிமாறிக்கொண்டுள்ளராஜஸ்தான் ரோயல்ஸ் அணி பணிகுழாமிலும் மாற்றங்களை செய்துள்ளது.
