குழந்தைகளுக்கு பாதுகாப்பான வகையில் Baby Grok எனும் புதிய AI செயலியை அறிமுகம் செய்யவுள்ளதாக கோடீஸ்வர வர்த்தகர் எலான் மஸ்க் அறிவித்துள்ளார்.
xAI நிறுவனம் ஏற்கனவே Grok எனும் AI chatbot ஐ அறிமுகம் செய்தது.
தற்போது இதன் சிறப்பு பதிப்பாக Baby Grok செயலி அறிமுகம் செய்யப்பட உள்ளது.
பொதுவாக Grok என்பது பெரியவர்கள் கேள்விகள் கேட்கவும், தகவல்களை அறியவும் பயன்படும் chatbot ஆகும்.
ஆனால் தற்போது குழந்தைகளுக்கு என்று தனியாக Baby Grok எனும் chatbot வடிவமைக்கப்பட உள்ளது.
இதில் குழந்தைகள் கேட்கும் கேள்விகளுக்கு ஏற்ப எளிமையான பதில்கள் கிடைக்கும்.
கல்வி மற்றும் விளையாட்டு சார்ந்த தகவல்கள் பெற்றுக் கொள்ளலாம்.
தவறான அல்லது அபாயகரமான தகவல்களைத் தடுக்கும் பாதுகாப்பு முறையும் கொடுக்கப்பட்டுள்ளது.
குழந்தைகளின் அறிவை வளர்க்கும் கதைகள், விஞ்ஞானம், கணிதம் போன்ற பகுதிகள் இதில் இடம்பெற்றிருக்கும். தற்போது பாடசாலை செல்லும் குழந்தைகள் பெரும்பாலும் கைத்தொலைபேசியை பயன்படுத்த தொடங்கிவிட்டனர்.
பாடசாலை முடிந்து வீட்டிற்கு வந்ததும் கைடயக்க தொலைபேசியைத்தான் முதலில் கேட்கின்றனர்.
அதை வாங்கிப் பயன்படுத்தும்போது, இணையத்தில் பல்வேறு தகவல்களை தேடிப் பார்க்கின்றனர்.
ஆனால் அவை அனைத்தும் குழந்தைகளுக்கு ஏற்றதாக இருக்காது.
இதற்கு தீர்வு காண்பதற்காகவே குழந்தைகளுக்கு ஏற்ப பாதுகாப்பான, நம்பகமான தகவல்களை வழங்கும் வகையில் Baby Grok செயலி உருவாக்கப்பட உள்ளது.
