அடுத்த ஆண்டு முதல் அமுல்படுத்தப்படவுள்ள புதிய கல்வி மறுசீரமைப்பு செயன்முறை தொடர்பான வழிகாட்டுதல்கள் ஒகஸ்ட் மாதம் வெளியிடப்படும் பிரதமர் அமைச்சரான ஹரிணி அமரசூரிய தெரிவித்துள்ளார். மஹரகம தேசிய கல்வி நிறுவனத்தில் நடைபெற்ற கலந்துரையாடலில் கலந்துகொண்ட போதே அவர் இவ்வாறு குறிப்பிட்டுள்ளார்.
அடுத்த ஆண்டு முதல் தரம் 1 மற்றும் 6ம் தரத்திற்கு புதிய பாடத்திட்டம் அறிமுகப்படுத்தப்படுமெனவும் 2028ம் ஆண்டு முதல் 10 ம் தரத்திற்கு புதிய பாடத்திட்டம் அறிமுகப்படுத்தப்படுமெனவும் பிரதமர் தெரிவித்துள்ளார்.
2029ம் ஆண்டுக்கான சாதாரணத் தரப் பரீட்சை புதிய பாடத்திட்டத்தின் கீழ் நடத்தப்படுமெனவும் பிரதமர் தெரிவித்துள்ளார். மேலும் 9 ம் தரம் முதல் தொழிற்கல்வி அறிமுகப்படுத்தப்படுமென பிரதமர் அதிகாரிகளிடம் தெரிவித்துள்ளார்.
தேசிய கல்வி நிறுவனத்தின் ஒவ்வொரு பாடத்திட்டங்களுக்குமான அதிகாரிகள் புதிய கல்வி மறுசீரமைப்பு செயற்பாடுகளின் தற்போதைய முன்னெடுப்புகள் குறித்து விளக்கமளித்துள்ளனர்.
