லங்கா சதொச விற்பனை நிலையங்களின் ஊடாக அத்தியாவசியப் பொருட்களின் விலைகளை 25 சதவீதம் குறைக்க நடவடிக்கை எடுக்கப்படவுள்ளதாக வர்த்தக அமைச்சர் வசந்த சமரசிங்க தெரிவித்துள்ளார்.
பண்டிகை காலத்தில் பொருட்களுக்கான தட்டுப்பாட்டை நிவர்த்திக்கும் வகையில் உரிய நடவடிக்கைகள் எடுக்கப்பட்டுள்ளதாக அமைச்சர் குறிப்பிட்டுள்ளார். அது குறித்து பல்வேறு நிறுவனங்கள் மற்றும் தரப்பினருடன் பேச்சுவார்த்தைகள் முன்னெடுக்கப்பட்டுள்ளதாகவும் அவர் சுட்டிக்காட்டியுள்ளார்.
மக்களுக்கு எவ்வித தட்டுப்பாடுமின்றி இலகுவாகபொருட்களை கொள்வனவு செய்யக்கூடிய வகையில் ஏற்பாடுகள் மேற்கொள்ளப்படுமெனவும் அமைச்சர் வசந்த சமரசிங்க தெரிவித்துள்ளார்.
இதேவேளை அரிசி மற்றும் தேங்காய் தட்டுப்பாட்டை நிவர்த்திப்பதற்காக சதொச ஊடாக அவற்றை விற்பனை செய்யும் செயற்பாடு முன்னெடுக்கப்பட்டுள்ளதோடு, உரிய அரச நிறுவனங்களின் தலையீட்டுடன் மேலதிக செயற்பாடுகளும் முன்னெடுக்கப்பட்டுள்ளன.
