தமது அரசாங்கத்தின் முதலாவது வரவு செலவுத் திட்டத்தில் அரச ஊழியர்களுக்கான சம்பள அதிகரிப்பு மேற்கொள்ளப்படுமென ஜனாதிபதி அநுரகுமார திஸாநாயக்க தெரிவித்துள்ளார்.
கண்டியில் நேற்றையதினம் இடம்பெற்ற தேர்தல் பிரச்சார கூட்டமொன்றில் கலந்து கொண்ட போதே ஜனாதிபதி அரச ஊழியர்களின் சம்பள அதிகரிப்பை உறுதிப்படுத்தினார்.
கடந்த அரசாங்கத்திடம் நிதி இருந்திருந்தால் அப்போதே அரச ஊழியர்களின் சம்பள அதிகரிப்பை மேற்கொண்டிருக்கலாம் என ஜனாதிபதி குறிப்பிட்டார்.
இந்நிலையில் தேசிய மக்கள் சக்தியின் அரசாங்கம் மூன்று மாதங்களில் கவிழும் என்று பலர் கனவு காண்பதாகவும்
இந்நாட்டைக் கட்டியெழுப்பும் வரை அரசாங்கத்தை கவிழ்க்க முடியாதெனவும் ஜனாதிபதி அநுரகுமார திஸாநாயக்க மேலம் தெரிவித்துள்ளார்.
