ஹட்டனில் லொறி – வேன் நேருக்கு நேர் மோதி விபத்து; ஒருவர் காயம்

ஹட்டன் – பொகவந்தலாவை பிரதான வீதியின் டிக்கோயா தேயிலைத் தொழிற்சாலைக்கு அருகில் இன்று (26) முற்பகல் இடம்பெற்ற வாகன விபத்தில் ஒருவர் காயமடைந்துள்ளார்.

பொகவந்தலாவையில் இருந்து தலவாக்கலை நோக்கிப் பயணித்த லொறியும், ஹட்டனில் இருந்து நல்லத்தண்ணி நோக்கிப் பயணித்த வேனும் நேருக்கு நேர் மோதியதில் இந்த விபத்து இடம்பெற்றுள்ளதாக தெரிவிக்கப்படுகிறது.

விபத்தில் வேன் பலத்த சேதமடைந்துள்ளதுடன், அதன் சாரதி காயமடைந்துள்ளதாக பொலிஸார் தெரிவித்துள்ளனர்.

விபத்து தொடர்பில் ஹட்டன் பொலிஸார் மேலதிக விசாரணைகளை முன்னெடுத்து வருகின்றனர்.