பெருந்தோட்ட தொழிலாளர்களுக்கான குறைந்தபட்ச சம்பளத்தை நிர்ணயித்து வெளியிடப்பட்ட வர்த்தமானியை வலுவிழக்கச் செய்யுமாறு கோரி பெருந்தோட்ட நிறுவனங்களினால் தாக்கல் செய்யப்பட்ட மனு மீதான விசாரணை நாளை மறுதினம் மீண்டும் விசாரணைக்கு எடுத்துக்கொள்ளப்படவுள்ளது.
21 பெருந்தோட்ட நிறுவனங்களினால் குறித்த மனு தாக்கல் செய்யப்பட்டுள்ளது.
மனுவின் பிரதிவாதிகளாக தொழில் அமைச்சர் மனுஷ நாணயக்கார, தொழில் திணைக்கள ஆணையாளர் உள்ளிட்ட 52 பேர் பெயரிடப்பட்டுள்ளனர்.
மனு தொடர்பான விசாரணை இன்றைய தினம் மேன்முறையீட்டு நீதிமன்ற நீதியரசர்களான சோபித ராஜகருணா, தம்மிக்க கணேபொல ஆகிய நீதியரசர்கள் குழாம் முன்னிலையில் விசாரணைக்கு எடுத்துக்கொள்ளப்பட்ட நிலையில் நாளை மறுதினம் ஒத்திவைக்கப்பட்டுள்ளது.
