நேபாளத்தில் அடை மழையை அடுத்து ஏற்பட்ட மண்சரிவு மற்றும் திடீர் வெள்ளப்பெருக்கினால் 47 பேர் பலியாகியுள்ளனர்.வீதிகள் தடைபட்டுள்ளதோடு பாலங்கள் வெள்ள நீரில் அடித்துச் செல்லப்பட்டுள்ளதாக அந்நாட்டு தகவல்கள் தெரிவிக்கின்றன.
இந்தியாவின் கிழக்கு எல்லையிலுள்ள இலம் மாவட்டத்தில் ஏற்பட்ட வெவ்வேறு மண்சரிவுகளில் சிக்குண்டு 35 பேர் கொல்லப்பட்டுள்ளனர்.
நேபாளத்தின் கிழக்கு மற்றும் மத்திய பகுதிகளில் இடைவிடாமல் பெய்த மழை மற்றும் மின்னல் தாக்கத்தினால் 03 பேர் கொல்லப்பட்டுள்ளனர். 09 பேர் காணாமல் போயுள்ளதாகவும் , மீட்புபணிகள் தொடர்ந்து நடைபெற்று வருவதுகவும் நேபாளத்தின் தேசிய பேரிடர் அபாயக் குறைப்பு மற்றும் முகாமைத்துவ செய்தித் தொடர்பாளர் தெரிவித்துள்ளார்.
அவசர சேவைகள் மற்றும் மீட்பு நடவடிக்கைகள் முன்னெடுக்கப்படும் நிலையில் திங்கள் மற்றும் செவ்வாய்க்கிழமை பொது விடுமுறை தினமாக அந்நாட்டு உட்துறை அமைச்சகம் அறிவித்துள்ளது.
