எவரெஸ்ட் சிகரத்தில் ஏற்பட்ட பனிப்புயலில் சுமார் 1,000 பேர் சிக்குண்டுள்ளனர். எவரெஸ்ட் மலையின் கிழக்குப் பகுதியில் உள்ள முகாம்களில் சுமார் 1,000 பேர் சிக்கியுள்ளதாகவும், மீட்பு முயற்சிகள் முன்னெடுக்கப்பட்டுள்ளதாகவும் சீன அரசு ஊடகங்களை மேற்கோட்காட்டி BBC செய்தி வெளியிட்டுள்ளது.
சுற்றுலாப் பயணிகள் சிலர் ஏற்கனவே மீட்கப்பட்டுள்ளதாக சீன ஊடகங்கள் தெரிவித்துள்ளன. 16,000 அடி உயரத்தில் அமைந்துள்ள பகுதிக்கு செல்வதை தடுக்கும் வகையில் காணப்படும் பனிபடலத்தை அகற்றும் செயற்பாட்டில் நூற்றுக்கணக்கான உள்ளூர் கிராமவாசிகளும் மீட்புக் குழுக்களும் ஈடுபட்டுள்ளதாக BBC செய்திகள் தெரிவிக்கின்றன.
