மத்திய பிலிப்பைன்ஸில் 6.9 ரிக்டர் அளவில் ஏற்பட்ட நிலநடுக்கத்தில் சுமார் 31 பேர் உயிரிழந்துள்ளனர்.
மேலும் நூற்றுக்கணக்கானோர் காயமடைந்துள்ளனர்.
செபு மாகாணத்தின் கடலோர நகரமான போகோவிலிருந்து வடகிழக்கே சுமார் 12 மைல் தொலைவில் 3 மைல் ஆழத்தில் நிலநடுக்கத்தின் மையப்புள்ளி பதிவாகியுள்ளது.
இதனால் கட்டிடங்கள் பல இடிந்து வீழ்ந்துள்ள நிலையில், அதிகளவானோர் கட்டிட இடிபாடுகளுக்குள் சிக்குண்டுள்ளனர்.
அவர்களை மீட்கும் பணிகள் தொடர்ச்சியாக இடம்பெற்று வருவதாக சர்வதேச ஊடகங்கள் செய்தி வெளியிட்டுள்ளன.
நிலநடுக்கம் பதிவானதையடுத்து செபு மற்றும் அருகிலுள்ள மாகாணங்களுக்கு சுனாமி எச்சரிக்கை விடுக்கப்பட்டு, சிறிது நேரத்தில் மீளப்பெறப்பட்டது.
