முன்னாள் இராஜாங்க அமைச்சர் ஷஷீந்திர ராஜபக்ஸ எதிர்வரும் ஒக்டோபர் 14ம் திகதி வரை தொடர்ந்தும் விளக்கமறியலில் வைக்கப்பட்டுள்ளார்.
இன்றை தினம் (30) நீதிமன்றில் ஆஜர்படுத்தப்பட்ட போதே கொழும்பு பிரதான நீதவான் அசங்க எஸ். போதரகம விளக்கமறியல் நீடிப்பு குறித்த உத்தரவை பிறப்பித்துள்ளார்.
ஷஷீந்திர ராஜபக்ஸவுக்கு சொந்தமானதாகக் கூறப்படும் மகாவலி அதிகாரசபைக்குச் சொந்தமான, கிரிஇப்பன்வெவ, செவனகலவிலுள்ள காணியொன்றில் சட்டவிரோதமாக நிர்மானிக்கப்பட்ட கட்டிடம் உள்ளிட்ட சொத்துக்களுக்கு, இழப்பீடு நிராகரிக்கப்பட்டிருந்த நிலையில் 88 லட்சம் ரூபா இழப்பீடாக பெற்றுகொண்டதன் ஊடாக , ஊழல் முறைகேடுகளில் ஈடுபட்டுள்ளதாக பொது சொத்துகள் சட்டத்தின் கீழ் குற்றம் இழைத்துள்ளதாக சந்தேகத்தின் அடிப்படையில் அவர் கைது செய்யப்பட்டு விளக்கமறியலில் வைக்கப்பட்டுள்ளமை குறிப்பிடத்தக்கது.
