அரசியல்வாதியொருவரின் அபூர்வ தீர்மானம்

இம்முறை பொதுத்தேர்தலில் தோல்வியை தழுவிய மஹிந்தானந்த அழுத்கமகே, அரசியலிலிருந்துஓய்வு பெறுவதாக அறிவித்துள்ளார்.
மூன்று தசாப்தங்களுக்கு மேலாக அரசியலில் ஈடுபட்ட நிலையில், கண்டி மாவட்ட மக்களுக்கு, குறிப்பாக நாவலப்பிட்டிய மக்களுக்கு தான் அளப்பரிய ஆற்றியுள்ளதாகவும், மக்கள் தற்போது தனது சேவை, தேவையில்லையென்பதை பொதுத் தேர்தலில் வெளிப்படுத்தியுள்ளதாகவும் மஹிந்தானந்த அழுத்கமகே கூறியுள்ளார்.
இன்றைய தினம் தனது கட்சி அலுவலகத்தில் ஊடகங்களுக்கு கருத்து வெளியிடுகையிலேயே அவர் தனது அரசியல் ஓய்வை அறிவித்தார்.
இலங்கை அரசியல் வரலாற்றில் அரசியல்வாதிகள் ஓய்வை அறிவிப்பது, அபூர்வமான விடயமாக காணப்படும் நிலையில், இம்முறை தேர்தலின்பின்னர் ஓய்வை அறிவித்த முதலாவது அரசியல்வாதியாக மஹிந்தானந்த அழுத்கமகே அடையாளப்படுத்தப்படுகிறார். ஏற்கனவே வேட்புமனு தாக்கலுக்கு முன்னர் அரசியல்வாதிகள் பலர் அரசியல் ஓய்வு குறித்த அறிவிப்பையும், தேர்தலில் போட்டியிடாமல் விலகிக்கொள்வது தொடர்பான தீர்மானங்களையும் மேற்கொண்டிருந்தனர்.