இலங்கையில் நிறுவப்பட்டுள்ள முதலாவது மின்கல சக்தி சேமிப்பு கட்டமைப்பு – Battery Energy Storage System அல்லது BESS, ஜனாதிபதி அனுர குமார திசாநாயக்க தலைமையில் இன்று அனுராதபுரத்தில் திறந்து வைக்கப்படவுள்ளது.
நிகழ்வில் துறைமுகங்கள், சிவில் விமான சேவைகள் மற்றும் எரிசக்தி அமைச்சர் அனுர கருணாதிலக்கவும் கலந்துகொள்ளவுள்ளார்.
நாட்டின் புதுப்பிக்கத்தக்க எரிசக்தி உற்பத்தித் திறனை அதிகரிப்பதுடன், மின்சாரக் கட்டமைப்பின் ஸ்திரத்தன்மையை மேம்படுத்தும் நோக்கில் இந்த மின்கல சக்தி சேமிப்பு கட்டமைப்பு நிறுவப்பட்டுள்ளது.
சூரிய மற்றும் காற்றாலை போன்ற புதுப்பிக்கத்தக்க எரிசக்தி மூலங்களிலிருந்து உற்பத்தியாகும் மின்சாரத்தை சேமித்து, தேவையான சந்தர்ப்பங்களில் மின்சாரக் கட்டமைப்புக்கு வழங்குவதன் மூலம் மின்சார விநியோகத்தின் நம்பகத்தன்மையை மேம்படுத்துவதில் இந்த அமைப்பு முக்கிய பங்காற்றும் என எதிர்பார்க்கப்படுகிறது.
இலங்கையின் புதுப்பிக்கத்தக்க எரிசக்தி துறையை விரிவுபடுத்தும் அரசாங்கத்தின் தேசிய வேலைத்திட்டத்தின் கீழ் இந்த திட்டம் முன்னெடுக்கப்பட்டுள்ளது.
