மன்னார் மாவட்ட பொது மருத்துவமனையில் புதிய திடீர் விபத்து மற்றும் அவசர சிகிச்சைப் பிரிவை நிர்மாணிக்கும் பணிகள் இன்று (16) முற்பகல் ஆரம்பிக்கப்பட்டன.
நிகழ்வில் ஜனாதிபதி அநுர குமார திசாநாயக்க கலந்துகொண்டு நிர்மாணப் பணிகளை ஆரம்பித்து வைத்தார்.
இந்திய அரசாங்கத்தின் நிதியுதவியுடன் 600 மில்லியன் ரூபா செலவில் நிர்மாணிக்கப்படவுள்ள இந்தப் புதிய பிரிவு, நவீன மருத்துவ வசதிகளுடன் அமைக்கப்படவுள்ளது.
இதன் மூலம் மன்னார் மாவட்ட மக்கள் அவசர விபத்து சிகிச்சைகள் மற்றும் ஏனைய விசேட மருத்துவ சேவைகளைப் பெறுவதற்காக கொழும்பு உள்ளிட்ட முக்கிய நகரங்களுக்கு செல்ல வேண்டிய நிலை குறையும் என எதிர்பார்க்கப்படுகிறது.
பிரதேச மட்டத்தில் இலங்கையின் இலவச சுகாதார சேவையை மேலும் வலுப்படுத்தும் முக்கியமான நடவடிக்கையாக இந்தத் திட்டம் அமையும் என ஜனாதிபதி தெரிவித்தார்.
இந்தத் திட்டத்திற்கு முக்கிய பங்களிப்பு வழங்கிய இந்திய அரசாங்கத்திற்கும், இந்தியப் பிரதமர் உள்ளிட்ட அனைத்து நிறுவனங்கள் மற்றும் தரப்பினருக்கும் ஜனாதிபதி தனது நன்றியைத் தெரிவித்தார்.
