இரண்டு முறை நடப்பு செம்பியனான எரினா சபாலென்காவை வீழ்த்தி, கஜகஸ்தான் வீராங்கனை எலினா ரைபகினா அமெரிக்க ஓபன் பட்டத்தை கைப்பற்றியுள்ளார்.
நியூயோர்க்கில் நடைபெற்ற இறுதிப்போட்டியில், ரைபகினா 6-4, 5-7, 6-2 என்ற செட் கணக்கில் சபாலென்காவை வீழ்த்தினார்.
இதன் மூலம் ரைபகினா தனது மூன்றாவது கிராண்ட்ஸ்லாம் பட்டத்தை வென்றுள்ளதுடன், திங்கட்கிழமை வெளியாகும் புதிய உலக தரவரிசையில் உலகின் நம்பர் ஒன் வீராங்கனையாகவும் உயர்கிறார்.
மேலும், இந்த வெற்றியின் மூலம் சபாலென்காவின் 20 போட்டிகள் கொண்ட US Open தொடர் வெற்றிக்கும் ரைபகினா முற்றுப்புள்ளி வைத்துள்ளார்.
இந்த ஆண்டின் தொடக்கத்தில் அவுஸ்திரேலிய ஓபன் பட்டத்தையும் வென்ற ரைபகினா, ஒரே ஆண்டில் Australian Open மற்றும் US Open ஆகிய இரு hard-court Grand Slam பட்டங்களையும் வென்ற இந்த நூற்றாண்டின் மூன்றாவது பெண் வீராங்கனை என்ற பெருமையையும் பெற்றுள்ளார்.
இறுதிப்போட்டி வெற்றியின் மூலம் ரைபகினா 5.5 மில்லியன் அமெரிக்க டொலர் பரிசுத் தொகையையும் பெற்றுள்ளார்.
அமெரிக்க ஓபன் களத்தில் சபாலென்காவின் ஆதிக்கம் முடிவுக்கு வர, ரைபகினா புதிய உலக நம்பர் ஒன்னாக எழுச்சி பெற்றுள்ளார்.
