நியூசிலாந்து அணியின் துடுப்பாட்ட வீரரான கொலின் முன்ரோ Colin Munro, சர்வதேச கிரிக்கட் போட்டிகளுக்கு விடைகொடுப்பதாக அறிவித்துள்ளார். 2024ம் ஆண்டுக்கான டீ-ருவென்றி உலகக்கிண்ண தொடருக்கான நியூசிலாந்து குழாமில் இடம்பெறாத நிலையிலேயே, அவர் ஓய்வு தொடர்பான தீர்மானத்தை மேற்கொண்டுள்ளார்.
37 வயதான முன்ரோ, தொடர்ந்தும் தொழில்சார் கிரிக்கட் போட்டிகளில் விளையாடவுள்ளார். நியூசிலாந்து அணி சார்பாக அவர் 57 ஒருநாள் போட்டிகள், 65 டீ-ருவென்றி போட்டிகள் மற்றும் ஒரேயொரு டெஸ்ட் போட்டியிலும் விளையாடியுள்ளார்.
நியூசிலாந்து அணிக்காக விளையாடக்கிடைத்தமையை பெருமையாக கருதுவதாகவும், கிரிக்கட்டின் சகல வடிவங்களிலும் செயற்படக் கிடைத்தமை மகிழ்ச்சியளிப்பதாகவும் கொலின் முன்ரோ தெரிவித்துள்ளார்.
