அமெரிக்காவின் நியூயோர்க் நகரில் அமைந்திருந்த உலக வர்த்தக மையத்தின் இரட்டை கோபுரங்கள் மீது பயங்கரவாதிகள் விமானங்களை மோதி நடத்திய தாக்குதலுக்கு இன்றுடன் 25 ஆண்டுகள் நிறைவடைந்துள்ளன.
2001ஆம் ஆண்டு செப்டெம்பர் 11ஆம் திகதி இடம்பெற்ற இந்த ஒருங்கிணைந்த பயங்கரவாதத் தாக்குதலில், கடத்தப்பட்ட நான்கு பயணிகள் விமானங்களில் இரண்டு விமானங்கள் நியூயோர்க்கிலுள்ள உலக வர்த்தக மையத்தின் இரட்டை கோபுரங்கள் மீது மோதின.
மற்றொரு விமானம் வாஷிங்டனுக்கு அருகிலுள்ள பென்டகன் மீது மோதியதுடன், நான்காவது விமானம் பயணிகளின் எதிர்ப்பைத் தொடர்ந்து பென்சில்வேனியாவில் விழுந்து நொறுங்கியது.
இந்த தாக்குதல்களில் 2,977 பேர் உயிரிழந்தனர். இதனையடுத்து அமெரிக்காவின் பாதுகாப்பு மற்றும் வெளிநாட்டுக் கொள்கைகளில் பாரிய மாற்றங்கள் ஏற்பட்டதுடன், உலக அரசியலிலும் நீண்டகால தாக்கத்தை ஏற்படுத்தியது.
25ஆவது ஆண்டு நினைவு தினத்தையொட்டி, நியூயோர்க், பென்டகன் மற்றும் பென்சில்வேனியாவில் உயிரிழந்தவர்களை நினைவுகூரும் நிகழ்வுகள் இடம்பெற்று வருகின்றன. உயிரிழந்தவர்களின் பெயர்கள் வாசிக்கப்பட்டு, தாக்குதல்கள் இடம்பெற்ற நேரங்களை நினைவுகூரும் வகையில் மௌன அஞ்சலியும் செலுத்தப்படுகிறது.
2001 செப்டெம்பர் 11 – உலக வரலாற்றை மாற்றிய கருப்பு நாள்.
