அவுஸ்திரேலியா மற்றும் சுற்றுலா தென்னாபிரிக்கா அணிகளுக்கிடையிலான 3 போட்டிகளைக் கொண்ட ஒருநாள் தொடர் ஆரம்பமாகியுள்ளது.
தென்னாபிரிக்கா அணி முதல் போட்டியில் வெற்றிபெற்று 1-0 என தொடரில் முன்னிலை பெற்றுள்ளது. முதல் போட்டி பகலிரவு ஆட்டமாக கெய்ன்சில் இடம்பெற்றது.
நாணய சுழற்சியில் வெற்றிபெற்ற அவுஸ்திரேலிய அணி முதலில் களத்தடுப்பை தீர்மானித்தது. அதனடிப்படையில் முதலில் துடுப்பெடுத்தாடிய தென்னாபிரிக்க அணி 50 ஓவர்களில் 8 விக்கட்டுகளை இழந்து 296 ஓட்டங்களைப் பெற்றுக்கொண்டது.
எய்டன் மார்க்கிரம் 82 ஓட்டங்களையும் , அணித்தலைவர் டெம்பா பவ்மா 65 ஓட்டங்களையும் பெற்றுக்கொடுத்ததோடு, மெத்யூ ப்ரீக்கடே 57 ஓட்டங்களைப் பெற்றுக்கொடுத்தார்.
அவுஸ்திரேலியாவின் பந்துவீச்சில் ட்ரெவிஸ் ஹெட் 4 விக்கட்டுகளை கைப்பற்றினார். 297 ஓட்டங்களை வெற்றியிலக்காக கொண்டு பதிலுக்கு துடுப்பெடுத்தாடிய அவுஸ்திரேலிய அணி முதல் விக்கட்டுக்காக 60 ஓட்டங்களை இணைப்பாட்டமாக பகிர்ந்தபோதும், பின்னர் வேகமாக விக்கட்டுக்கள் குறைந்த ஓட்ட இடைவெளியில் வீழ்த்தப்பட்டன.
அணித்தலைவர் மிச்செல் மார்ஸ் போராட்டத்தை வெளிப்படுத்தி 88 ஓட்டங்களைப் பெற்றுக்கொடுத்தார். 40.5 ஓவர்களில் சகல விக்கட்டுகளையும் இழந்து 198 ஓட்டங்களையே அவுஸ்திரேலிய அணி பெற்றுக்கொண்டது.
தென்னாபிரிக்க அணியின் கேஷவ் மஹராஜ் பந்துவீச்சில் சிறப்பாக செயற்பட்டு 5 விக்கட்டுகளை வீழ்த்தினார். ஆட்டநாயகனாகவும் அவரே தெரிவுசெய்யப்பட்டார்.
