கொழும்பில் போக்குவரத்து நெரிசலைக் குறைக்கும் நோக்கில், மேல் மாகாணத்தில் ஏழு வழித்தடங்களில் இயக்கப்படவுள்ள 122 புதிய மெட்ரோ பேருந்துகள் இன்று சேவையில் இணைக்கப்பட்டுள்ளன.
ஜனாதிபதி அநுரகுமார திஸாநாயக்க தலைமையில் , தலங்கம மெட்ரோ பேருந்து நிலையத்தில் இந்த சேவை ஆரம்பிக்கப்பட்டது.
மேலும், சிங்கள மற்றும் தமிழ் புத்தாண்டுக்கு முன்னர் 50 பேருந்துகளை இறக்குமதி செய்து, யாழ்ப்பாணம், கண்டி மற்றும் காலி உள்ளிட்ட நகரங்களுக்கு இடையிலான சேவைகளில் ஈடுபடுத்த எதிர்பார்ப்பதாக போக்குவரத்து அமைச்சர் பிமல் ரத்நாயக்க தெரிவித்துள்ளார்.
மெட்ரோ பேருந்து சேவைக்காக அரசாங்கம் சுமார் 750 கோடி ரூபாய் முதலீடு செய்துள்ளமை குறிப்பிடத்தக்கது.
